INFORMACIÓN DO TORNEO

1.- O obxectivo primordial da organización é fomentar o deporte e os hábitos saudables no barrio.

2.- O Torneo está aberto a todo o mundo, buscando o perfil de xogadores afeccionados, sen restricións por cuestións de xénero ou outro motivo, só establecendo o mínimo de idade nos 18 anos.

3.- Lugar:

Disputarase na pista polideportiva situada en Alcalde Salorio Suárez nº 23, no Ventorrillo.

4.- Datas:

As fins de semana de Xuño (1-2, 8-9, 15-16, 22-23 e 29-30*).

O día 30 estarían programadas as "finais", entrega premios e petiscos para todos os participantes. 

5.- Horarios previstos:

Disputaranse os partidos as fins de semana. Cada martes previo, a organización indicará os horarios aproximados de comezo dos partidos, cun quecemento de 5-10 minutos.

·       Sábados entre as 10:00 e as 15:00h. (Máximo 4 partidos).

·       Domingos entre as 10:00h e as 12:00h. (Máximo 2 partidos).

Contémplase un marxe tempo reservado para incidencias, tales como a duración extra dos partidos, as inclemencias meteorolóxicas e outras necesidades organizativas.

6.- Inscrición:

Comezará o 1 de Maio ás 12:00 horas e rematará o 12 de Maio ás 20:00 horas. Farase a través dun formulario cuxa ligazón estará colgada na web, e admitirase aos participantes por rigorosa orde de inscrición na data e forma descrita pola organización. Aqueles que non consigan praza pasarán automáticamente a formar parte da listaxe de agarda.

O pagamento farase entre os días 13 e 19 de Maio, e no caso de que non se faga o abono da cota de inscrición tal e como se indica no formulario, a partid do día 20 pasarase a chamar ó primeiro da listaxe de agarda, e así consecutivamente. Non se fará devolución de inscricións.

7.- Custo:

O importe da inscrición será de 10 euros, destinados integramente a cubrir os gastos do torneo. 

O pagamento farase na conta corrente da Asociación de Veciños: 

ES26 2080 0094 0330 4000 9094 

Inclúe a garantía de xogar un mínimo de 2 partidos. 

8.- Premios:

Todos os participantes terán un detalle conmemorativo.

O campión e subcampión terán os seus respectivos trofeos, tanto da final A como da B.

9.- En función do éxito e do grao de aceptación desta primeira edición, se todo sae como esperamos, tentaremos superarnos en próximas edicións ampliando a “dobres” e outras modalidades.